ادارہ فروغ قومی زبان کے بنیادی مقاصد میں شامل ہے کہ ایسا مواد تیار کیا جائے جو قومی زبان اردو کو سرکاری دفاتر میں رائج کرنے اور قومی زندگی کے زیادہ سے زیادہ حلقوں تک پہنچانے میں آسانیاں پیدا کرے۔ دفتری تربیتی لغت اسی سلسلے کی ایک کڑی ہے، اس لغت کا مقصد سرکاری ملازمین کو تربیتی امور سے متعلق اصطلاحات سے روشناس کرانا ہے تاکہ وہ اپنی دفتری ذمہ داریوں کو احسن طریقے سے پورا کرنے کے قابل ہوسکیں اور اپنی دفتری کارکردگی کو بھی بہتر بنا سکیں۔ لغت میں انگریزی کی اصطلاحیں اور ترکیبیں جو اردو میں رواج پاچکی ہیں ان میں سے اکثر کو اسی طریقے سے شامل کیا گیا ہے۔ کوشش کی گئی ہے کہ اصطلاحات سادہ، سلیس اور عام فہم انداز میں بیان ہوں تاکہ زیادہ سے زیادہ لوگ استفادہ کرسکیں۔ اس لغت کو جناب محمد جمشید عالم نے مرتب کیا ہے ۔ جناب محمد جمشید عالم کو سرکاری ملازمت کا طویل تجربہ ہے اور انھوں نے بطریق احسن اپنے اس تجربے کی روشنی میں یہ مفید لغت ترتیب دی ہے۔

آن لائن لغت تک رسائی کے لیے یہاں کلک کریں۔