علم الضبط
مصنف : قاری محمد مصطفیٰ راسخ
صفحات: 98
زیر مطالعہ کتاب کلمات قرآنیہ کے ضبط پرمشتمل ایک رہنما کتاب ہے، جس کا مقصد طالبان علم کو علم الضبط کے فنی مبحاحث سے روشناس کرانا ہے۔ کتاب کے مؤلف جامعہ لاہور الاسلامیہ کے سابق استاد اور مجلس التحقیق الاسلامی کے سابق رکن قاری محمد مصطفیٰ راسخ ہیں۔ صاحب علم شخصیت اور فن قراء ات میں ید طولیٰ رکھتے ہیں۔انہوں نے کتاب میں اس امر کی پوری کوشش کی ہے کہ عبارت انتہائی آسان، سلیس، عام فہم اور رواں ہو۔ بے جا طوالت سے اجتناب کرتےہوئے حتی المقدور مختصر اور جامع بنانے کی کوشش کی گئی ہے۔ کتاب بارہ فصلوں پر مشتمل ہے۔ ہر فصل کے آخر میں تمرینات دی گئی ہیں تاکہ اصول کے حفظ کے ساتھ ساتھ عملی مشق بھی ہوتی جائے۔ کتاب کی افادیت میں یہ بات مزید اضافہ کر دیتی ہے کہ شیخ القرا قاری محمد ابراہیم میر محمدی نے اپنے قلم ثمین سے اس کی نظر ثانی کے ساتھ ساتھ متعدد مقامات پر اصلاح بھی فرمائی ہے۔
| عناوین | صفحہ نمبر | |
| عرض مولف | 5 | |
| مبادیات علم الضبط | 8 | |
| حرکت کا بیان | 18 | |
| تنوین کا بیان | 23 | |
| سکون کا بیان | 33 | |
| تشدید کا بیان | 40 | |
| مد کا بیان | 45 | |
| ہمزہ کا بیان | 51 | |
| ہمزہ وصلی،ابتداء اور نقل کا بیان | 60 | |
| اختلاس،اشمام اور امالہ کا بیان | 66 | |
| رسما محذوف حروف کا بیان | 70 | |
| رسما زائد حروف کا بیان | 81 | |
| لام الف(لا)کا بیان | 86 | |
| یاء متطرفہ کا بیان | 90 |