فتاویٰ عالمگیری پر ایک نظر
مصنف : مفتی عبید اللہ خان عفیف
صفحات: 98
یہ حقیقت کسی وضاحت کی محتاج نہیں کہ ہمارا ملک خالص کتاب وسنت پر مبنی مکمل اسلام کے تعارفی نا م کلمہ طیبہ کے مقدس نعرہ پرمعرض وجود میں آیا تھا۔ جس کا ادنیٰ ثبوت یہ ہے کہ 1956ء، 1963ء اور پھر 1973ء کے ہر آئین میں اس ملک کانام اسلامیہ جمہوریہ پاکستان لکھا جاتا رہاہے اور سر فہرست یہ تصریح بھی ہے کہ پاکستان کا سرکاری مذہب اسلام ہوگا اور کتاب وسنت کےخلاف کوئی قانون نہیں بنایاجائے گا۔ 1973ء کے منظورشدہ آئین وہ آئین ہے جس پربریلوی مکتبِ فکر کے سیاسی لیڈرشاہ احمد نورانی،مولوی عبدالمصطفیٰ الازہری وغیرہما کےبھی دستخط ثبت ہیں۔اسی طرح جب صدر پاکستان جنرل ضیاءالحق نے اسلامی نظام کی طرف پیش رفت کی ایمان پرور نوید سنائی تھی۔ جس سے یہ امید پیدا ہوئی تھی کہ اب اس مملکت میں نظریاتی مقاصد ہی نہیں بلکہ در پیش سیاسی، اقتصادی، ثقافتی، اورتمدنی مسائل کے حل کی راہیں بھی کھل جائیں گی۔ مگر افسوس کہ احناف کے ایک گروہ نے تمام مذکورہ حقائق اور ملکی تقاضوں سے آنکھیں موندکر کتاب و سنت کو نظر انداز کرتے ہوئے فقہ حنفی کے نفاذ کا نعرہ بلند کیا اور ملتان کے قاسم باغ سے یہ مطالبہ کر دیا کہ چونکہ فتاویٰ عالمگیری ہماری مکمل قانونی دستاویز ہے اور اس کا ہر ہر فتویٰ قرآن وحدیث کا عطر اور جوہر ہے۔ لہذا اس کو عوام میں نافذ کردیا جائے۔ زیر تبصرہ کتاب”فتاویٰ عالمگیری پر ایک نظر”مفتی محمد عبید اللہ خان عفیف حفظہ اللہ تعالیٰ کی ایک منصفانہ تحقیقی تصنیف ہے۔ مفتی صاحب نے احناف کی معتبر ترین کتاب “فتاویٰ عالمگیری” کے فتاوجات کو قرآن سنت کے میزان میں رکھ کر یہ بات واضح اور ثابت کی ہے کہ دین کسی عالم یا اکابر کا قول و فعل نہیں بن سکتا بلکہ دین نام ہے قرآن وسنت کے مجموعے کا۔ اللہ تعالیٰ سے دعا ہے کہ وہ مولانا مفتی صاحب عمر دراز کرے اور ان کے علم وعمل میں اضافہ فرمائے۔ آمین
| عناوین | صفحہ نمبر |
| نبیذ اور شراب کے ساتھ وضو | 23 |
| وضو محفوظ رکھنے کا ماڈرن طریقہ | 24 |
| ننگے بدن کھڑے رہ کر عورت سے مباشرت فاحشہ سے وضو نہیں ٹوٹتا | 25 |
| ذکر دبا کر منی کو روک لے تو غسل نہیں پڑتا | 26 |
| ذکر پر کپڑا لپیٹ کر دخول سے غسل معاف | 26 |
| مرد کو غسل کی چھوٹ | 27 |
| حوض اوپر سے ناپاک اور نیچے سے پاک | 27 |
| کافر کا جھوٹا پاک ہے | 28 |
| کتے اور درندوں کی خشک کھالوں کا استعمال | 29 |
| کتا اور دوسرے درندے ذبح سے پاک ہوجاتے ہیں | 30 |
| چوہے کی دم کنویں میں گر پڑے تو | 31 |
| کتا پلید نہیں | 31 |
| تیمم یا میک اپ | 32 |
| دھلے ہوئے پتھر سے تیمم | 32 |