تہذیب الاخلاق
مصنف : حافظ محمد ہمایوں
صفحات: 85
نبی کریم ﷺ اخلاقیات کے اعلی ترین مقام پر فائز تھے،اللہ تعالی نے آپ کو اخلاق کا بہترین نمونہ اور پیکر بنا کر بھیجا تھا۔کسی نے سیدہ عائشہ ؓ سے نبی کریم ﷺ کے اخلاق کے بارے میں پوچھا تو آپ نے جواب دیا: کیا تم نے قرآن نہیں پڑھا؟آپ ﷺ اخلاق کے اعلیٰ ترین مرتبے پر فائز تھے۔ اس کی گواہی قرآن نے بھی دی اور صحابہ و ازواج مطہرات ؓ نے بھی۔ یہاں تک کہ آپ کے بدترین مخالفین،جنہوں نے آپ پر طرح طرح کے الزامات تو لگائے لیکن کبھی آپ کی سیرت اور کردار کی بابت ایک لفظ بھی نہ کہہ پائے۔حیرت کا مقام ہے کہ آپ کے ہم عصر مخالفین تک آپ کو اعلیٰ اخلاق و کردار کا حامل گردانتے تھے۔ لیکن چودہ سو سال بعد مغرب کے آزادی صحافت کے علمبرداروں کو آپ کے کردار پر انگشت نمائی کا گھناؤنا خیال سوجھا۔ اس کا حل یہی ہے کہ ہم اپنے پیارے نبی جناب محمد رسول اللہ ﷺ کی سیرت اور کردار کا مطالعہ کریں اور اس کا زیادہ سے زیادہ پرچار کریں۔ زیر تبصرہ کتاب “تہذیب الاخلاق” محترم حافظ قاری محمد ہمایوں صاحب کی مرتب کردہ ہے جسے وزارت مذہبی امور، حکومت پاکستان کے شعبہ تحقیق ومراجع نے شائع کیا ہے۔مرتب موصوف نے انتہائی سادہ لیکن مؤثر انداز میں آپ ﷺ کے اخلاق و سیرت کو بیان کیا ہے۔ اس کا مطالعہ ہر اس مسلمان کے لئے مفید ہے جو آپ سے محبت کا دعوٰی کرتا ہے۔اللہ تعالی سے دعا ہے کہ وہ مولف کی اس کاوش کو اپنی بارگاہ میں قبول فرمائے اور تمام مسلمانوں کو نبی کریم ﷺ کے اخلاق اور اسوہ حسنہ پر عمل کرنے کی توفیق دے۔ آمین
| عناوین | صفحہ نمبر |
| پیش لفظ | 1 |
| اخلاق حسنہ | 1 |
| اتحاد واتفاق | 1 |
| اعتدال ومیانہ روی | 3 |
| الیفائے عہد | 5 |
| احسان | 7 |
| برائی کی جگہ نیکی | 9 |
| پاک دامنی | 11 |
| تواضع وانکساری | 13 |
| تعلیم وتعلم | 15 |
| حسن اخلاق | 17 |
| خوش کلامی | 19 |
| خدمت خلق | 21 |
| دیانت داری | 23 |
| دوستی | 25 |
| رحم دلی | 27 |
| سچائی | 29 |
| شرم وحیا | 31 |
| صلح | 33 |
| عفوودرگزر | 35 |
| عدل وانصاف | 37 |
| کسب حلال | 39 |
| نرمی | 41 |
| رذائل | |
| افواہ طرازی | 42 |
| الزام تراشی | 46 |
| بدگوئی | 47 |
| جھوٹ | 50 |
| چوری | 52 |
| چغل خوری | 54 |
| حسد | 56 |
| حرص وتمع | 58 |
| حرام کی کمائی | 60 |
| خیانت | 62 |
| رشوت | 62 |
| سود خوری | 66 |
| فحاشی | 68 |
| گداگری | 71 |
| ناپ تول میں کمی بیشی | 72 |