تقلید کا حکم کتاب و سنت کی روشنی میں
مصنف : ڈاکٹر وصی اللہ محمد عباس
صفحات: 169
کسی آدمی کی وہ بات ماننا،جس کی نص حجت ِشریعہ،قرآن و حدیث میں نہ ہو،نہ ہی اُس پر اجماع ہو اور نہ وہ مسئلہ اجتہادی ہو تقلید کہلاتا ہے ۔ تقلید اورعمل بالحدیث کے مباحث صدیوں پرانے ہیں ۔زمانہ قدیم سے اہل رائے اور ہل الحدیث باہمی رسہ کشی کی بنیاد ’’ تقلید‘‘ رہی ہے موجودہ دور میں بھی عوام وخواص کے درمیان مسئلہ تقلید ہی موضوعِ بحث بنا ہوا ہے۔ حالانکہ گزشتہ چند ہائیوں میں تقلیدی رجحانات کے علاوہ جذبۂ اطاعت کو بھی قدرے فروغ حاصل ہوا ہے ۔ امت کا در د رکھنے والے مصلحین نے اس موضوع پر سیر حاصل بحثیں کی ہیں اور کئی کتب تصنیف کیں ہیں۔ زیرتبصرہ کتاب’’تقلید کاحکم کتاب وسنت کی روشنی میں ‘‘ مفتی ومدرس حرم مکی ڈاکٹر وصی اللہ بن محمدعباس (پروفیسر ام القریٰ یونیورسٹی،مکۃ المکرمۃ) کی تصنیف ہے ۔یہ کتاب مقدمہ تمہید اور تیرا (13) فصول پر مشتمل ہے ۔ فاضل مصنف نے اس کتاب میں کتاب وسنت ،آثار صحابہ اور اقوال سلف سےاستدلال کا التزام کیا ہے ۔ تقلید کی مذمت اور اتباع سنت کی فضیلت پر یہ بڑی عمدہ کتاب ۔ محترم جناب حافظ حامد محمود الخضری ﷾ کی اس کتاب کی تخریج اورپروف ریڈنگ سے کتاب کی افادیت مزید دوچند ہوگئی ہے ۔اللہ تعالیٰ مصنف اور ناشرین کی اس کاوش کو قبول فرمائے اور اسے عوام الناس کی اصلاح کا ذریعہ بنائے ۔ (آمین)
| عناوین | صفحہ نمبر | |
| عرض ناشر | 5 | |
| مقدمہ | 10 | |
| تمہید | 17 | |
| تقلید کی لغوی اور اصطلاحی تعریف | 17 | |
| اتباع اور تقلید میں فرق | 21 | |
| ائمہ عظام اور محدثین کا اپنی تقلید سے منع کرنا | 24 | |
| خیر القرون میں تقلید کا معدوم ہونا | 33 | |
| تقلید کس کے لیے جائز اور کس کے لیے ناجائز ہے | 51 | |
| کیا ایک مسلمان پر کسی خاص مذہب کی تقلید لازم ہے | 58 | |
| مذہبی تعصب | 76 | |
| احترام ائمہ | 81 | |
| مذہبی تعصب کا آٖخری صدیوں میں انتشار | 85 | |
| تعصب مذہبی کے اسباب اور اس کے ختم کرنے کے ذرائع | 91 | |
| تقلید اور تعصب کی خرابیاں | 107 | |
| کیا مذاہب کو لے کر قرآن و سنت سے بے نیاز ہوا جا سکتا ہے | 140 | |
| تعلیم و تربیت کے لیے فقہ صحیح کی تجویز | 154 |