سنن دارمی (اردو) جلد 2
مصنف : ابو محمد عبد اللہ بن عبد الرحمٰن التمیمی الدارمی
صفحات: 766
اللہ رب العزت نے انسانوں کے لیے زندگی گزارنے کا جو طریق و عمل مقرر فرمایا ہے ،اسے ’دین اسلام‘کا عنوان دیا گیا ہے۔دین اسلام کی بنیاد وحی الہیٰ پر ہے ۔وحی کی دو صورتیں ہیں :اول ،وجی جلی یا وحی متلو یہ قرآن کریم کی صورت میں ہمارے ہاتھوں میں موجود ہے ۔دوم ،حدیث و سنت جو رسول اکرم ﷺ کے اقوال و افعال اور تقریرات سے عبارت ہے ۔وحی کے یہ دونوں حصے لازم و ملزوم ہیں اور ایک کو نظر انداز کر کے دوسرے کو سمجھنا ممکن نہیں ہے ۔چنانچہ حدیث و سنت کی اہمیت کے پیش نظر محدثین کرام نے اس کی تدوین و ترتیب اور جمع و حفاظت کا کام بے حد لگن اور محنت سے سر انجام دیا۔اخذ و روایت حدیث میں ایسی احتیاط و اہتمام کا ثبوت دیا کہ امت مسلمہ سے قبل اس کی مثال نہیں ملتی ۔اس کے نتیجے میں بے شمار کتب حدیث منظر عام پر آئیں ،جن میں سے ایک سنن دارمی بھی ہے جو کہ امام ابو محمد عبداللہ بن عبدالرحمن ابن الفضل بن بہرام الدارمی کی تالیف ہے ۔امام صاحب کی جلالت قدر کا اندازہ اس سے لگایا جا سکتا ہے کہ امام مسلم،امام ترمذی،امام ابو داؤد،بقی بن مخلد اور حافظ ابو زرعہ رازی ایسے اساطین فن آپ کے تلامذہ میں شامل ہیں ۔آپ کی سنن ،علم حدیث کا شان دار مجموعہ ہے ،جسے تحقیق و تخریج کے ساتھ پیش کیا جارہا ہے یہ اس کی دوسری جلد ہے۔
| عناوین | صفحہ نمبر | |
| شکار کے بیان میں | 47 | |
| کھانے کے بیان میں | 56 | |
| پینے پلانے کے بیان میں | 89 | |
| خوابوں کے بیان میں | 114 | |
| نکاح کے بیان میں | 134 | |
| طلاق کے بیان میں | 194 | |
| حدود اللہ کے بیان میں | 216 | |
| نذروں کے بیان میں | 239 | |
| دیت کے بیان میں | 247 | |
| جہاد کے بیان میں | 269 | |
| سیر کے بیان میں | 299 | |
| خریدو فروخت کے بیان میں | 357 | |
| اجازت کے بیان میں | 413 | |
| نرمی کے متعلق | 456 | |
| علم میراث کے بیان میں | 535 | |
| وصیتوں کا بیان | 644 | |
| قرآن کے فضائل | 690 |