شرعی علاج بذریعہ دم
مصنف : سعید بن علی بن وہف القحطانی
صفحات: 164
اس میں کوئی شک نہیں کہ قرآن کریم اور نبیﷺ سے ثابت شدہ دم کے ذریعے علاج کرنا نہایت مفید اور مکمل شفایابی ہے ۔قرآن کریم تمام قلبی وجسمانی امراض اور دنیا وآخرت کی بیماریوں کےلیے مکمل شفا ہے ۔البتہ ہرشخص کوقرآن سےعلاج اور شفایابی کی توفیق نہیں ملتی ۔قرآن کریم کافہم رکھنے والوں کےلیے قرآن کےاندر اس کے علاج کاطریقہ ،بیماری کا سبب اور اس سے بچاؤ کی تدبیر موجود ہے ۔اللہ تعالی نے قرآن کریم کےمیں دل او رجسم کی بیماریوں کاذکر فرمایاہے ۔ اور ان کےعلاج کاطریقہ بھی بتا دیا ہے ۔اسی طرح سنت نبویﷺ سے ثابت دم کے ذریعے علاج کرنابھی مفید ترین علاج میں سے ہے۔علماء کااجماع ہے کہ دم کرنا جائز ہے اگر تین شرطوں کے ساتھ کیا جائے تو: 1۔اللہ تعالی کے کلام یا اس کےاسماء وصفات کے ذریعے۔ یا رسول اللہﷺ سے منقول کلام کے ذریعہ دم کیا جائے 2۔دم عربی زبان میں ہو ۔ اوراگر غیر عربی زبان میں ہوتو اس کا معنی معروف ہو 3۔یہ اعتقادرکھا جائے کہ دم بذاتِ خود مؤثر نہیں ۔بلکہ اللہ تعالیٰ کی قدرت سے اثر انداز ہوتا ہے ۔دم محض ایک سبب ہے ۔ زیر نظر کتاب ’’شرعی علاج بذریعہ دم‘‘ معروف سعودی عالمِ دین صاحب حصن المسلم شیخ سعید بن علی بن وہف القحطانی ﷾ کی تصنیف’’الذكر والدعا والعلاج بالرقى من الكتاب والسنه‘‘ کاترجمہ ہے ۔جس میں شیخ صاحب نے قرآن واحادیث کی روشنی میں بیماریوں کے علاج کو بیان کیا ہے۔یہ کتاب روحانی وجسمانی بیماریوں کےستائے ، جنات جادواور ٹونے، نطر بد اور حسد کےحملوں سے زخمی مسلمان کے لیے ایک انمول تحفہ ہے ۔اس کتاب کی اردوترجمانی کا کام’’محترم ابوالمکرم عبد الجلیل نے بڑے آسان فہم انداز میں انجام دیا او رپاکستان میں دارالابلاغ کی طرف سے اسےپہلی دفعہ شائع کیا گیا۔اللہ تعالیٰ فاضل مصنف ،مترجم اور ناشرین کی اس کاوش کو قبول فرمائے اور اسے پریشان حال لوگوں کے لیے بیماریوں سے شفایابی کا ذریعہ بنائے (آمین)
| عناوین | صفحہ نمبر |
| تحمید و تمہید | 8 |
| قرآن و حدیث کے ذریعے علاج کی اہمیت | 13 |
| جادو کا علاج | 27 |
| جادو کے بارے میں ایک حقیقت پسندانہ تحریر | 59 |
| جادو کی اقسام | 71 |
| کلونجی | 75 |
| زیتون کا تیل | 77 |
| آپ زم زم | 79 |
| نظر بد کا علاج | 81 |
| انسان کو جن لگ جانے کا علاج | 97 |
| پہلی قسم۔ ۔ ۔ جن لگنے سے پہلے اس کا علاج | 97 |
| دوسری قسم۔ ۔ ۔جن لگنے کے بعد اس کا علاج | 98 |
| ان صفحات کے مطالعہ سے | 102 |
| نفسیاتی امراض کا علاج | 104 |
| پھوڑے اور زخم کا علاج | 120 |
| مصیبت اور پریشانی کا علاج | 129 |
| رنج و غم کا علاج | 129 |
| رنج و ملال اور بے چینی کا علاج | 132 |
| مریض کا خود اپنا علاج کرنا | 135 |
| مریض کی عیادت کی جائے تو کیا پڑھے | 137 |
| نیند کی حالت میں گھبراہٹ اور بے چینی کا علاج | 138 |
| بخار کا علاج | 140 |
| کسی موذی جانور کے ڈسنے اور ڈنک مارنے کا علاج | 141 |
| غصے کا علاج | 142 |
| کلونجی سے علاج | 144 |
| شہد سے علاج | 146 |
| آپ زم زم سے علاج | 148 |
| دل کی بیماریوں کا علاج | 151 |
| دل کا علاج چار امور سے ہوتا ہے | 157 |
| دل پرشیطان کے تسلط کی بیماری کا علاج | 162 |