قادیانیت مطالعہ و جائزہ
مصنف : سید ابو الحسن علی ندوی
صفحات: 194
اسلامی تعلیم کے مطابق نبوت ورسالت کا سلسلہ حضرت آدم سے شروع ہوا اور سید الانبیاء خاتم المرسلین حضرت محمد ﷺ پر ختم ہوا۔ اس کے بعد جوبھی نبوت کادعویٰ کرے گا وہ دائرۂ اسلام سے خارج ہے ۔ نبوت کسبی نہیں وہبی ہے یعنی اللہ تعالی نے جس کو چاہا نبوت ورسالت سے نوازاکوئی شخص چاہے وہ کتنا ہی عبادت گزارمتقی اور پرہیزگار کیوں نہ وہ نبی نہیں بن سکتا ۔قایادنی اور لاہوری مرزائیوں کو اسی لئے غیرمسلم قرار دیا گیا ہے کہ ان کا یہ عقیدہ ہے کہ مرزا غلام احمد قادیانی نبی تھے ان کو اللہ سےہمکلام ہونے اور الہامات پانے کاشرف حاصل تھا۔اسلامی تعلیمات کی رو سے سلسلہ نبوت او روحی ختم ہوچکاہے جوکوئی دعویٰ کرے گا کہ اس پر وحی کانزول ہوتاہے وہ دجال ،کذاب ،مفتری ہوگا۔ امت محمدیہ اسےہر گز مسلمان نہیں سمجھے گی یہ امت محمدیہ کا اپنا خود ساختہ فیصلہ نہیں ہے بلکہ نبی کریم ﷺ کی زبان صادقہ کا فیصلہ ہے ۔ قادیانیت کے رد میں اہل اسلام کے تقریبا ہر مکتب فکر علماء نے مختلف انداز میں خدمات سرانجام دی ہیں ۔زیرتبصرہ کتاب”مطالعہ قادیانیت مطالعہ وجائزہ ” مفکر ِاسلام مصنف کتب کثیرہ سید ابو الحسن علی ندوی کی رد قایانیت کے موضوع پر عربی تصنیف کا ترجمہ ہے ترجمہ بھی سید صاحب نے خود ہی کیا۔ جس میں انہوں نے مرزاغلام احمد قادیانی کے عقیدہ او ردعوت کا تدریجی ارتقا،مرزا صاحب کی سیرت اور تحریک قادیانیت کاتنقیدی جائزہ جیسے عناوین کے تحت دلائل کے ساتھ قادیانیت کا رد کیا ہے اللہ تعالیٰ سید ابو الحسن ندوی کی دینِ اسلام کی ترویج واشاعت کے سلسلے میں تمام جہودکو قبول فرمائے (آمین)
| عناوین | صفحہ نمبر | |
| حرف گتفنی | 7 | |
| باب اول تحریک کا زمانہ اور ماحول اور اس کی بنیادی شخصیتیں | ||
| فصل اول انیسویں صدی عیسوی کا ہندوستان | ||
| فصل دوم مرزا غلام احمد صاحب قادیانی | ||
| فصل سوم حکیم نور الدین صاحب بھیروی | ||
| باب دوم مرزا غلام احمد صاحب کے عقیدہ اور دعوت کا تدریجی ارتقا اور دعاوی کی ترتیب | ||
| فصل اول مرزا صاحب مصنف اور مبلغ اسلام کی حیثیت سے | ||
| فصل دوم مسیح موعود کا دعویٰ | ||
| فصل سوم مسیح موعود کے دعویٰ سے نبوت تک | ||
| باب سوم مرزا صاحب کی سیرت و زندگی پر ایک نظر | ||
| فصل اول دعوت کے فروغ اور رجوع عام کے بعد مرزا صاحب کی زندگی | ||
| فصل دوم انگریزی حکومت کی تائید و حمایت اور جہاد کی ممانعت | ||
| فصل سوم مرزا صاحب کی درشت کلامی اور وشنام طرازی | ||
| فصل چہارم ایک پیشگوئی جو پوری نہیں ہوئی | ||
| باب چہارم تحریک قادیانیت کا تنقیدی جائزہ | ||
| فصل اول ایک مستقل مذہب اور ایک متوازی امت | ||
| فصل دوم نبوت محمدیﷺ کے خلاف بغاوت | ||
| فصل سوم قادیانیت کی لاہوری شاخ اور اس کا عقیدہ اور تفسیر | ||
| فصل چہارم قادیانیت نے اسلام کو کیا عطا کیا | ||
| کتاب کے مآخذ |