نماز میں اونچی آواز سے آمین کہنا
مصنف : محمد مظفر الشیرازی
صفحات: 130
جہری نمازوں میں امام و مقتدی کا اونچی آواز میں آمین کہنا نبی کریمﷺ اور صحابہ کرام سے ثابت ہے۔ بہت سی احادیث اس بات کی شاہد ہیں کہ آمین کہنا ایک مسنون عمل ہے۔ لیکن ہمارے ہاں ایک بڑا فقہی مسلک اونچی آواز میں آمین کہنے کا قائل نہیں ہے۔ اس موضوع پر فریقین کی جانب سے بہت لے دے ہو چکی ہے اور ہوتی رہتی ہے۔ بہرحال اس مسئلہ کو علمی انداز میں سمجھنے اور سلجھانے کی ضرورت ہے۔ زیر تبصرہ کتاب ’نماز میں اونچی آواز سے آمین کہنا‘ بھی، جیسا کہ نام سے ظاہر ہے، اسی موضوع پر لکھی گئی ہے۔ یہ کتاب دراصل اس عربی مقالے کا اردو ترجمہ ہے جو محترم محمد مظفر الشیرازی نے مدینہ یونیورسٹی میں پڑھتے ہوئے آخری سال میں ’القول الامین فی الجھر بالتامین‘ کے نام سے جمع کرایا۔ اس کی افادیت کو دیکھتے ہوئے حافظ عبدالرزاق اظہر نے اس کو اردو قالب میں ڈھالا ہے۔ مؤلف نے الجہر بالتامین سے متعلقہ جتنی روایات بھی میسر آ سکیں ان کی مکمل طور پر تخریج کی ہے اور ہر حدیث پر صحت و سقم کے حوالے سے حکم لگایا ہے، حدیث کی جتنی بھی سندیں ہیں ان کا جدول بھی پیش کیا ہے، ہر ایک راوی کا حکم ضم کرنے کے ساتھ ساتھ اسی ترتیب سے آثار صحابہ کو بھی نقل کر دیا ہے اور ساتھ ساتھ مخالفین کے دلائل کا مناقشہ بھی کیا ہے۔
| عناوین | صفحہ نمبر | |
| عرض مترجم | 7 | |
| مقدمہ | 12 | |
| پہلی فصل | 22 | |
| احادیث کی تخریج کے بارہ میں | 22 | |
| پہلی حدیث | 22 | |
| دوسری حدیث | 29 | |
| تیسری حدیث | 40 | |
| چوتھی حدیث | 47 | |
| پانچویں حدیث | 54 | |
| دوسری مبحث | 64 | |
| ان آثار کے بارہ میں جو امام اور مقتدی کے بلند آواز آمین کہنے کے متعلق وارد ہوئےہیں | 64 | |
| دوسری فصل | 68 | |
| اس میں سابقہ احادیث سے مستبط فوائد کا اجمالی تذکرہ ہے | 68 | |
| دوسری مبحث | 74 | |
| امام کے بلند آواز آمین کہنے کے بیان میں | 74 | |
| تیسری مبحث | 89 | |
| مقتدی کے جہرا آمین کہنے کے بارہ میں فقہاء کے مذاہب کو بیان کرنے کے حوالے سے | 89 | |
| چوتھی مبحث | 100 | |
| منفرد آدمی کے جہرا آمین کہنے کے متعلق ہے | 100 | |
| تیسری فصل | 104 | |
| لوگوں کا آمین کہنا فرشتوں کے آمین کہنے کے موافق ہو جانے کا معنی کیاہے | 104 | |
| دوسری مبحث | 111 | |
| مقتدیوں کےآمین کہنے کی جگہ کے تعین کے بارہ میں ہے | 111 | |
| خاتمہ | 117 |