جدید فقہی مسائل جلد4
مصنف : خالد سیف اللہ رحمانی
صفحات: 202
جدید صنعتی اور فکری انقلاب نے جو بہت سے مسائل پیدا کر دیے ہیں ان میں ایک جدید دور میں پیدا ہونے والے مسائل کا فقہی اور شرعی حل بھی ہے ۔ جو جدید ایجادات اور نئے معاملات کی وجہ سے پیدا ہوئے ہیں ۔ ان مسائل کا حل کرنا ایک مشکل اور دشوار کام ہے ۔ اس لئے کہ ان کے لیے قرآن و حدیث اور فقہ کے قدیم ذخیرہ میں ان کی نظائر اور ان سے قریب ترین صورتیں تلاش کرنی ہوتی ہیں ۔ احکام کی علتوں اور اسباب پر غور کرنا ہوتا ہے ۔ اور اپنے زمانہ کے عرف اور رواج کو بھی سامنے رکھنا پڑتا ہے ۔ اس مشکل اور دشوار کام کو حل کرنا علما کے ذمہ ہے ۔ اور وہی ان کے صحیح حل تلاش کرنے کے اہل ہیں ۔ چناچہ ہر زمانہ کے اہل علم اور اہل افتا نے اپنے اپنے دور کے مسائل حل کیے ہیں ۔ موجودہ دور میں بھی ایسی متعدد کوششیں ہو چکی ہیں ۔ زیر نظرکتاب بھی اسی سلسلے کی ایک کڑی ہے ۔ مؤلف نے ایسے تمام جدید مسائل کو جن کا تعلق عبادات ، معاشرت اور معاملات اور اجتماعی مسائل سے ہے یکجا کر دیا ہے ۔ اور نہائت اختصار و ایجاز کے ساتھ ، سہل ، عام فہم زبان اور دل نشین اسلوب میں مسائل پر گفتگو کی ہے اور ہر مسلہ مستند کتابوں سے حوالے اور نظائر کی روشنی میں لکھا گیا ہے ۔ مصنف کی قابل تحسین بات یہ ہے کہ انہوں نے زیادہ سے زیادہ اختلاف سے بچنے کی کوشش کی ہے ۔ اور جہاں علما کی رائے سے اختلاف کیا ہے وہاں اپنی رائے فتوی کی بجائے تجویز کے لب و لہجہ میں پیش کی ہے ۔ نیز اس کے وجوہ دلائل بھی بیان کر دئیے ہیں ۔
| عناوین | صفحہ نمبر | |
| پیش لفظ | 6 | |
| ابتدائیہ | 7 | |
| نوٹ کی شرعی حیثیت | 9 | |
| بینک انٹرسٹ، سودی قرض اور ہندوستان کی شرعی حیثیت | 29 | |
| انشورنس کا مسئلہ | 60 | |
| مکانات ودکانات کی پگڑی کا شرعی حکم | 77 | |
| مال کی حقیقت اور حقوق کی خریدوفروخت | 94 | |
| قبضہ کی حقیقت اور قبضہ سے پہلے خریدو فروخت ، فقہ اسلامی کی روشنی میں | 116 | |
| خلاصہ بحث | 133 | |
| باغات اور پھلوں کی خریدوفروخت | 135 | |
| ادھار اور بالاقساط خریدوفروخت چند اہم مسائل | 148 | |
| شیرز کی خریدوفروخت کچھ اہم سوالات اور ان کا حل | 167 | |
| مچھلی کی خریدوفروخت | 177 | |
| قفیز طحان والی روایت اور اس سے مستنبط احکام | 188 | |
| خلاصہ بحث | 198 | |
| فہرست نامکمل |