جدید فقہی مسائل جلد3
مصنف : خالد سیف اللہ رحمانی
صفحات: 155
جدید صنعتی اور فکری انقلاب نے جو بہت سے مسائل پیدا کر دیے ہیں ان میں ایک جدید دور میں پیدا ہونے والے مسائل کا فقہی اور شرعی حل بھی ہے ۔ جو جدید ایجادات اور نئے معاملات کی وجہ سے پیدا ہوئے ہیں ۔ ان مسائل کا حل کرنا ایک مشکل اور دشوار کام ہے ۔ اس لئے کہ ان کے لیے قرآن و حدیث اور فقہ کے قدیم ذخیرہ میں ان کی نظائر اور ان سے قریب ترین صورتیں تلاش کرنی ہوتی ہیں ۔ احکام کی علتوں اور اسباب پر غور کرنا ہوتا ہے ۔ اور اپنے زمانہ کے عرف اور رواج کو بھی سامنے رکھنا پڑتا ہے ۔ اس مشکل اور دشوار کام کو حل کرنا علما کے ذمہ ہے ۔ اور وہی ان کے صحیح حل تلاش کرنے کے اہل ہیں ۔ چناچہ ہر زمانہ کے اہل علم اور اہل افتا نے اپنے اپنے دور کے مسائل حل کیے ہیں ۔ موجودہ دور میں بھی ایسی متعدد کوششیں ہو چکی ہیں ۔ زیر نظرکتاب بھی اسی سلسلے کی ایک کڑی ہے ۔ مؤلف نے ایسے تمام جدید مسائل کو جن کا تعلق عبادات ، معاشرت اور معاملات اور اجتماعی مسائل سے ہے یکجا کر دیا ہے ۔ اور نہائت اختصار و ایجاز کے ساتھ ، سہل ، عام فہم زبان اور دل نشین اسلوب میں مسائل پر گفتگو کی ہے اور ہر مسلہ مستند کتابوں سے حوالے اور نظائر کی روشنی میں لکھا گیا ہے ۔ مصنف کی قابل تحسین بات یہ ہے کہ انہوں نے زیادہ سے زیادہ اختلاف سے بچنے کی کوشش کی ہے ۔ اور جہاں علما کی رائے سے اختلاف کیا ہے وہاں اپنی رائے فتوی کی بجائے تجویز کے لب و لہجہ میں پیش کی ہے ۔ نیز اس کے وجوہ دلائل بھی بیان کر دئیے ہیں ۔
| عناوین | صفحہ نمبر | |
| عرض ناشر | 6 | |
| ابتدائیہ | 7 | |
| سخنہائے گفتی | 8 | |
| اشتراط فی النکاح | 15 | |
| مسئلہ کفاءت پر ایک نظر | 40 | |
| خیار بلوغ کا حق اور اس کا استعمال | 69 | |
| نفقہ نہ ادا کرنے کی بناء پر فسخ نکاح | 79 | |
| مفقود الخبر اور غائب شخص کی بیوی کا حکم | 88 | |
| زدوکوب اور ظلم وزیادتی کی بناء پر فسخ نکاح | 101 | |
| امراض وعیوب کے باعث فسخ نکاح | 105 | |
| نامردی اور جنسی حق سے محرومی کی بناء پر فسخ نکاح | 114 | |
| خلع میں قاضی اور حکم کے اختیارات | 124 | |
| حالت نشہ کی طلاق | 131 | |
| ہندوستان اور نظام قضاء | 136 | |
| تعزیر مالی کا مسئلہ | 150 | |
| فہرست نامکمل |