اسلام ایک نجات دہندہ تحریک
مصنف : سلطان احمد اصلاحی
صفحات: 218
اسلام ایک کامل اور اکمل دین ہے جواپنے ماننے والوں کوصرف مخصوص عقائد ونظریات کو اپنانے ہی کی دعوت نہیں دیتا بلکہ زندگی کے ہر موڑ پر یہ دین مسلمانوں کی رہنمائی کرتا ہے۔ اسلام کی یہ روشن اور واضح تعلیمات اللہ تعالیٰ کی عظیم کتاب قرآن مجید اورنبی کریم ﷺ کی صحیح احادیث کی شکل میں مسلمانوں کے پاس محفوظ ہیں۔ انہی دوچشموں سے قیامت تک مسلمان سیراب ہوتے رہے ہیں گے اور اپنے علم کی پیاس بجھاتے رہیں گے۔انسان کوآخرت کی نجات اسی اسلام کی پیروی سے حاصل ہوسکتی ہے۔ اور دنیا کے اندر وہ جن مشکلات ومصائب میں گھرا ہوا ہےاس سےاس کو نجات بھی صحیح معنوں میں اس پر عمل درآمد کے ذریعہ نصیب ہو سکتی ہے ۔ زیرتبصرہ کتاب’’اسلام ایک نجات دہندہ تحریک ‘‘ مولانا سلطان احمد اصلاحی کی تصنیف ہے ۔اس کتاب میں انہوں نے معاصردنیا کے حالات کے پس منظر میں اسلام کا جامع تعارف کراتے ہوئے یہ بتایا کہ اسلام کی اصل حقیقت یہ ہے کہ وہ پہلے انسان اورابتداء انسانیت سے خالق کائنات کا عطا کردہ ایک ہی مذہب اور ضابطۂ حیات ہے ۔ اور اسی کی مخلصانہ پیروی سے انسان دنیا وآخرت میں کامیابی کی ضمانت حاصل کرسکتا ہے۔فاضل مصنف نے عالمی سطح پر مسلمان معاشرے میں جو خامیاں ہیں ایمان داری کےساتھ ان کو سامنےلاتے ہوئے اس بات کو واضح کیا ہے کہ اسلام کی نجات دہندہ تحریک اگر غیرمسلم انسانیت کے لیے رحمت کا پیغام ہے تو اس سے مسلمان معاشرے کی ذمہ داری کم نہیں ہوتی بلکہ او ربڑھ جاتی ہےکہ اس روشنی میں وہ اپنی اصلاح کرے اور اس کے آئینے میں اپنے چہرے کو درست کرنےکی کوشش کرے ۔
| عناوین | صفحہ نمبر |
| بسم اللہ الرحمن الرحیم | |
| دیباچہ | 7 |
| باب اول ۔۔ معاشی بحران | 9 |
| ہمارے ملک کا معاشی بحران | 9 |
| زبوں حال سیاست | 16 |
| جنگی جنون | 22 |
| ماحولیات کے مسائل | 23 |
| حقوق انسانی کی صورت حال | 27 |
| اقلیتوں کے مسائل | 27 |
| ظھر الفساد فی البر والبحر | 28 |
| نجات دہندہ تحریک کے الوازم | 29 |
| باب دوم ۔۔ معاشی تحفظ | 31 |
| ضروریات زندگی کی وسیع تعیین | 32 |
| روٹی کپڑا اور مکان | 33 |
| روٹی اور اس کے متعلقات | 33 |
| لباس اور اس کے لوازم | 41 |
| مکان | 52 |
| سواری | 57 |
| اسلحہ | 61 |
| شادی | 63 |
| دیگر ضروریات زندگی | 67 |
| دوا علاج اور تعلیم | 68 |
| انفرادی جدو جہد | 74 |
| اصلاح معاش | 79 |
| معاشرہ کی حصہ داری | 80 |
| ریاست کا تعاون | 81 |
| خط افلاس | 86 |
| زمینوں کی تقسیم اور دیگر انقلابی اقدامات | 90 |
| باب سوم ۔۔ سیاست عادلہ | 93 |
| امیر و مامو ر کا اعتماد | 93 |
| امانت کا تصور | 104 |
| اتباع ہویٰ سے گریز | 112 |
| خدا ترسی و خیر پسندی | 118 |
| عہدے اور مناصب سے دوری | 120 |
| عدل و انصاف | 125 |
| بدعہد ی اور خیانت سے اجتناب | 134 |
| باب چہارم۔۔ امن کا فروغ | 143 |
| ظلم اور سرکشی سے گریز | 144 |
| عفو و اعراض کی تلقین | 148 |
| اہل کتاب یہود و نصاریٰ | 149 |
| کفار و مشرکین | 152 |
| جنگ کا آخری انتخاب اور اس کا محد ود ترین دائرہ | 153 |
| باب پنجم ۔۔۔ ماحولیات | 155 |
| پانی کا مسئلہ | 156 |
| پلاسٹک کا استعمال | 158 |
| اسلام ایک نجات دہندہ تحریک | 158 |
| صنعتی فضلات اور گاڑیوں کا دھواں | 159 |
| آلودگی صوت | 163 |
| شجر کاری | 170 |
| اوزن پرت | 173 |
| باب ششم ۔۔ صالح حکمرانی | 175 |
| سیاست کی ترقی | 175 |
| عالم اسلام کی پس ماندگی | 176 |
| طرز حکومت سے زیادہ روح حکمرانی کی اہمیت | 177 |
| امریکہ اور یورپ کے ممالک | 178 |
| غیر منقسم ہندو ستان پر برطانیہ کا دو سالہ تسلط | 180 |
| ہندو ستان کے باشندوں پر برطانوی اقتدار کے مظالم | 182 |
| ہندستانی عوام پر انگریزوں کے بالواسطہ مظالم | 182 |
| معاشی استحصال | 183 |
| امریکہ کے کارنامے | 185 |
| ہندستان کی صورت حال | 189 |
| فرقہ وارانہ فسادات | 189 |
| دیگر طبقات پر مظالم | 191 |
| انسانی تاریخ میں جمہوریت کا عہدزریں | 193 |
| بادشاہت اور وزارت کے چند نمونے | 198 |
| حضرت داؤد اور حضرت سلیمان علیہ السلام | 199 |
| حضرت یوسف علیہ السلام | 203 |
| ایک ضروری وضاحت | 205 |
| حرف آخر | 207 |
| کتابیات | 209 |