امام الہند مولانا ابو الکلام آزاد(ابو علی اثری)
مصنف : ابو علی اثری
صفحات: 205
مولانا ابو الکلام11نومبر 1888ء کو پیدا ہوئے اور 22 فروری 1958ء کو وفات پائی۔ مولانا ابوالکلام آزاد کا اصل نام محی الدین احمد تھا۔آپ کے والد بزرگوارمحمد خیر الدین انہیں فیروزبخت (تاریخی نام) کہہ کر پکارتے تھے۔ آپ مکہ معظمہ میں پیدا ہوئے۔ والدہ کا تعلق مدینہ سے تھا۔ سلسلہ نسب شیخ جمال الدین سے ملتا ہے جو اکبر اعظم کے عہد میں ہندوستان آئے اور یہیں مستقل سکونت اختیار کرلی۔1857ء کی جنگ آزادی میں آزاد کے والد کو ہندوستان سے ہجرت کرنا پڑی کئی سال عرب میں رہے۔ مولانا کا بچپن مکہ معظمہ اور مدینہ منورہ میں گزرا ۔ابتدائی تعلیم والد سے حاصل کی۔ پھر جامعہ ازہرمصر چلے گئے۔ چودہ سال کی عمر میں علوم مشرقی کا تمام نصاب مکمل کر لیا تھا۔مولانا کی ذہنی صلاحتیوں کا اندازہ اس سے ہوتا ہے کہ انہوں نے پندرہ سال کی عمر میں ماہوار جریدہ لسان الصدق جاری کیا۔ جس کی مولانا الطاف حسین حالی نے بھی بڑی تعریف کی۔ 1914ء میں الہلال نکالا۔ یہ اپنی طرز کا پہلا پرچہ تھا۔ ۔ مولانا ایک نادر روزگار شخصیت تھے ۔ اور اللہ تعالیٰ نے ان کی ذات میں ایسے اوصاف ومحاسن جمع کردیے تھےکہ انہوں نے زندگی کے ہر دائرہ میں بلند مقام حاصل کیا۔مولانا علم وفضل کے اعتبار سے ایک جامع اور ہمہ گیر شخصیت تھے۔ مولانا ابو الکلام آزاد کو قدرت نے فکر ونظر کی بے شمار دولتوں، علم وفضل کی بے مثال نعمتوں اور بہت سے اخلاقی کمالات سے نوازا تھا۔ بر صغیر پاک وہند میں موصوف ایک ایسی شخصیت ہیں جن پر سب سے زیادہ لکھا گیا ہے۔ زیرتبصرہ کتاب’’ امام الہند مولانا ابو الکلام آزاد‘‘ اعظم گڑھ انڈیا کے معروف سوانح نگار مولانا ا بو علی اثری کے مولانا ابواالکلام آزاد کے بارے میں وقتاً وفوقتاً لکھے گئے مقالات کا مجموعہ ہے۔ گو جرانوالہ کی علم دوست شخصیت جناب ضیاء اللہ کھوکھر صاحب نے مختلف رسائل میں بکھرے مطبوعہ مضامین کو مرتب کرکے 2005ء میں کتابی صورت میں شائع کیا۔
| عناوین | صفحہ نمبر |
| تعارف | 7 |
| مقدمہ | 9 |
| دیباچہ | 31 |
| حرف آغاز | 39 |
| امام الہند ابو الکلام آزاد اور خاکسار | 47 |
| مولانا آزاد کی یاد | 57 |
| مولانا ابو الکلام آزاد اور اکابر و معاصر | |
| حضرت سید محمد جون پوری اور مولانا ابو الکلام آزاد | 81 |
| مولانا شبلی کی مولانا ابو الکلام آزاد سے ڈرامائی ملاقات | 91 |
| مولانا شبلی کے نام مولانا ابو الکلام آزاد کے چند خطوط | 97 |
| مولانا ابو الکلام آزاد اور مولانا حبیب الرحمٰن خاں شروانی | 107 |
| مولانا خدا بخش مرحورم اور صحیفہ الہلال۔ کلکتہ | 11 |
| مولانا آزاد اور مولانا حمید الدین فراہی کے آثار علمیہ | 115 |
| مولانا ابو الکلام آزاد اور مولانا عبد اللہ العمادی | 121 |
| مولانا ابو الکلام آزاد اور مولانا ابو الحسنات ندوی | 127 |
| مولانا ابو الکلام آزاد اور مولانا عبد السلام ندوی | 131 |
| مولانا ابو الکلام آزاد اور عبد الماجد دریا بادی | 143 |
| مولانا ابو الکلام آزاد اور مولانا عبد الرزاق ملیح آبادی | 149 |
| مولانا ابو الکلام آزاد۔۔۔ اہل نظر کی نظر میں | 155 |
| آثار و افادات | |
| تذکرہ مولانا ابو الکلام آزاد (1) | 163 |
| تذکرہ مولانا ابو الکلام آزاد (2) | 127 |
| غبار خاطر ایک تاثر | 171 |
| غبار خاطر اور کاروان خیال | 181 |
| غبار خاطر کی بعض غیر معروف شخصیات | 185 |
| تحریر اسلوب تحریر | |
| مولانا ابو الکلام آزاد کا اسلوب تحریر | 203 |