فوائد مرضیہ شرح المقدمۃ الجزریۃ
مصنف : قاری محمد سلیمان دیوبندی
صفحات: 132
اللہ تعالیٰ نے قرآن مجید کو بندوں کی رشد و ہدایت کے لیے نازل فرمایاہے۔،یہ اللہ تعالیٰ کی طرف سے نازل کیا جانے والا ایسا کلام ہے جس کے ایک ایک حرف کی تلاوت پر دس دس نیکیاں ملتی ہیں۔اور قرآن مجید کی درست تلاوت اسی وقت ہی ممکن ہو سکتی ہے، جب اسے علم تجویدکے قواعد وضوابط اوراصول وآداب کے ساتھ پڑھا جائے۔ اللہ تعالیٰ نے قرآن کریم کو ترتیل کے ساتھ پڑھنے کا حکم دیا ہے ۔لہٰذا قرآن کریم کو اسی طرح پڑھا جائے جس طرح اسے پڑھنے کا حق ہے۔اور ہرمسلمان کے لیے ضروری ہے کہ وہ علمِ تجوید کے بنیادی قواعد سے آگاہی حاصل کرے۔فن تجوید پر عربی زبان میں بے شمار کتب موجود ہیں۔جن میں سے مقدمہ جزریہ ایک معروف اور مصدر کی حیثیت رکھنے والی عظیم الشان منظوم کتاب ہے،جو علم تجوید وقراءات کے امام علامہ جزری کی تصنیف ہے۔اس کتاب کی اہمیت وفضیلت کے پیش نظر متعدد اہل علم نے اس کی شاندار شروحات لکھی ہیں۔ زیر تبصرہ کتاب ” فوائد مرضیہ شرح المقدمۃ الجزریۃ “بھی مقدمہ جزریہ کی ایک مفصل شرح ہے جواستاذ القراء والمجودین قاری محمد سلیمان دیو بندی سابق صدر شعبہ تجوید وقراءات مظاہر العلوم سہارنپور کی کاوش ہے۔جو ان کی سالہا سال کی محنت وکوشش اور عرصہ دراز کی تحقیق وجستجو کا نتیجہ ہے۔اور شائقین علم تجوید کے لئے ایک نادر تحفہ ہے۔ تجوید وقراءات کے ہر طالب علم کو اس کا ضرور مطالعہ کرنا چاہئے۔اللہ تعالی مولف کی اس کاوش کو قبول فرمائے اور ان کے میزان حسنات میں اضافہ فرمائے۔آمین
| عناوین | صفحہ نمبر |
| عرض ناشر | 3 |
| مختصر حالات شیخ القراء حضرت قاری محمد سلیمان صاحب دیوبندیؒ | 4 |
| عرض شارح | 7 |
| صفات کا بیان | 31 |
| تجوید سیکھنے کا بیان | 43 |
| حرفوں کی عملی ادائیگی کا بیان | 53 |
| راء کی حالتوں کا بیان | 61 |
| لام کی حالتوں کا بیان | 64 |
| استعلاء اور اطباق کا بیان | 65 |
| ادغام کا بیان | 69 |
| احتیاط والی باتوں کا بیان | 82 |
| مدوں کا بیان | 94 |
| وقفوں کی پہچان کا بیان | 99 |
| تاء تانیت کے رسم کا بیان | 118 |
| روم اور اشمام کا بیان | 127 |