ازواج مطہرات رضی اللہ عنہن
مصنف : حافظ افروغ حسن
صفحات: 325
ازواجِ مطہرات طیباتؓ اور اکابر صحابیاتؓ کی تمام حیثیات جامع ہیں جو ہمار ی عورتوں کے لیے اسوۂ حسنہ ہیں۔ کیونکہ امہات المومنین، مومنوں کی مائیں ہیں یعنی رسول ِ رحمت ﷺ کی یہ پاکباز بیویاں ایسے چکمتے دمکتے ، روشن ودرخشاں ، منور موتی ہیں کہ جن کی روشنی میں مسلمانانِ عالم اپنی عارضی زندگیوں کا رخ مقرر ومتعین کرر ہے ہیں ۔ امت کی ان پاکباز ماؤں کی سیرت ایسی شاندار ودلکش ودلآ ویز ہےکہ اسی روشنی میں چل کر خواتینِ اسلام ایک بہترین ماں ،بیٹی،بہن، اور بیوی بن سکتی ہیں۔ زیر نظر کتاب ’’ازواج مطہرات‘‘ حافظ افروغ حسن کے اردو ڈائجسٹ میں امہات المومنین سیرت پر عام فہم دلنشیں، فکر انگیز مضامین کی کتابی صورت ہے۔فاضل مصنف نے تاریخی مواد کی چھان پھٹک میں بڑی محنت اور عرق ریزی سے کام لیا ہے۔اس کتاب کی ایک نمایاں اور قابل ذکر خصوصیت ا س کا مقدمہ ہےجو تقریباً ستر صفحات پر پھیلا ہواہے جس کا عنوان ہے ’’قرآن مجید اور ازواج مطہرات‘‘اس مضمون میں تفصیل سے بتایا گیا ہے کہ قرآن مجید نےاپنے پیارے نبی کی رفیقہ ہائے حیات کا کیا مرتبہ اور کیامقام متعین کیا ہے۔نیز اس کائنات کے خالق نے ان مقدس ہستیوں کے ذمے انسانیت کی تعمیر وفلاح کا جو تاریخ ساز کام لگایا تھا اسے انہوں نےکس خوش اسلوبی فرض شناسی سے انجام دیا ہے۔
| عناوین | صفحہ نمبر |
| انتساب | 14 |
| تعارف | 15 |
| دل کی بات | 17 |
| مقدمہ قرآن اور ازواج مطہرات ؓ | 19 |
| ام المومنین سیدہ خدیجہ ؓ بنت خویلد | 61 |
| ام المؤمنین سیدہ سودہ ؓ بنت زمعہ | 93 |
| ام المؤمنین سیدہ عائشہ ؓ بنت ابی بکر ؓ | 112 |
| ام المؤمنین سیدہ حفصہ ؓ بنت عمر فاروقؓ | 150 |
| ام المؤمنین سیدہ زینب ؓ بنت خزیمہ | 167 |
| ام المؤمنین سیدہ ام سلمہ ؓ بنت ابی امیہ | 174 |
| ام المؤمنین سیدہ زینبؓ بنت جحش | 197 |
| ام المؤمنین سیدہ جویریہ ؓ بنت حارثؓ | 222 |
| ام المؤمنین سیدہ ام حبیبہؓ بنت ابوسفیان | 235 |
| ام المؤمنین سیدہ صفیہ ؓ بنت حیی | 250 |
| ام المؤمنین سیدہ میمونہ ؓ بنت حارث | 283 |
| گلدستہ احادیث | 301 |