اربعین خواتین ( سلسلہ اربعینات حدیث نبوی 7 )
مصنف : ابو حمزہ عبد الخالق صدیقی
صفحات: 41
کتاب اللہ اور سنت رسول ﷺدینِ اسلامی کے بنیادی مآخذ ہیں۔ احادیث رسول ﷺ کو محفوظ کرنے کے لیے کئی پہلوؤں اور اعتبارات سے اہل علم نے خدمات انجام دیں۔ تدوینِ حدیث کا آغاز عہد نبوی ﷺ سے ہوا صحابہ وتابعین کے دور میں پروان چڑھا او ر ائمہ محدثین کےدور میں خوب پھلا پھولا ۔مختلف ائمہ محدثین نے احادیث کے کئی مجموعے مرتب کئے او رپھر بعدمیں اہل علم نے ان مجموعات کے اختصار اور شروح ،تحقیق وتخریج او رحواشی کا کام کیا۔مجموعاتِ حدیث میں اربعین نویسی، علوم حدیث کی علمی دلچسپیوں کا ایک مستقل باب ہے ۔اربعون؍اربعین سے مراد حدیث کی وہ کتاب ہےجس میں کسی ایک باب سےمتعلق احادیث یا مختلف ابواب سے یا مختلف اسانید سے چالیس احادیث جمع کی جائیں۔اس طرح کی تصانیف کا اصل سبب بیان کر دہ یہی احایث ہیں جن میں چالیں احادیث جمع کرنے والے کے لیے بہت فضیلت بیان کی گئی ہے اور اسے بشارت دی گئی ہے ۔عبداللہ بن مبارک وہ پہلے محدث ہیں جنہوں نے اسی طرز پر پہلی اربعین مرتب کرنے کی سعادت حاصل کی ۔بعد ازاں علم حدیث ،حفاظت حدیث، حفظ حدیث اورعمل بالحدیث کی علمی او رعملی ترغیبات نے اربعین نویسی کو ایک مستقل شعبۂ حدیث بنادیا۔ اس ضمن میں کی جانے والی کوششوں کے نتیجے میں اربعین کے سینکڑوں مجموعے اصول دین، عبادات، آداب زندگی، زہد وتقویٰ او رخطبات و جہاد جیسے موضوعات پر مرتب ہوتے رہے ۔اربعین میں سب سے زیادہ متداول اربعین نووی ہےاس پر بہت سے علماء کے حواشی ، شروحات اور زاوئد موجود ہیں ۔ ’’سلسلہ اربعینا ت حدیث نبوی ﷺ‘‘ادارہ انصار السنۃ پبلی کیشنز،لاہور کےرئیس مولانا ابو حمزہ عبد الخالق صدیقی﷾،اور حافظ حامد محمود الخضری ﷾ کی مشترکہ کاوش ہے۔ انہوں نے منہج محدثین کے مطابق مختلف 115 ہم موضوعات پر اربعین مرتب کیں ہیں ہر موضوع کے متعلق 40 احادیث مع تخریج و ترجمہ جمع کی ہیں اور ان کی ابواب بندی بھی کی ہے ۔ادارہ انصار السنہ ’’ سلسلہ اربعینات الحدیث النوی‘‘ کے تقریباً 35 سلسلے شائع کرچکا ہے۔ مزید اشاعت کا کام جاری ہے ۔عامۃ الناس کےاستفادہ کےلیے کتاب وسنت سائٹ نے اس سلسلہ اربعینات نبوی کو پبلش کرنا شروع کیا ہے ۔اللہ تعالیٰ اس سلسلہ اربعینا ت نبوی کے مرتبین وناشرین کی کاوش کو قبول فرمائے اور اسے عامۃ الناس کے لیے نفع بخش بنائے ۔(آمین)
| عناوین | صفحہ نمبر |
| تقریظ | 5 |
| اسلام کے پانچ ارکان ہیں | 13 |
| اللہ تعالیٰ کہاں ہے | 14 |
| اللہ کے سوا کسی کو سجدہ جائز نہیں | 15 |
| اپنی والدہ کی نذر پوری کرنا | 15 |
| گستاخ رسول عورت کا انجام | 16 |
| دودھ پیتا بچہ اگر پیشاب کر دے | 16 |
| عورت غسل جنابت میں مینڈھیاں نہ کھولے تو بھی کوئی حرج نہیں | 17 |
| سر ڈھانکے بغیر عورت کی نماز قبول نہیں ہوتی | 18 |
| عورت مسجد میں باجماعت نماز پڑھ سکتی ہے | 18 |
| عورت کے لیے بھی اعتکاف کی جگہ مسجد ہی ہے | 19 |
| امام بھول جائے تو عورت تالی بجائے | 19 |
| ایام مخصوصہ میں عورت نماز نہیں پڑھے گی | 20 |
| تمام خواتین کو عید کے دن عیدگاہ جانا چاہیے | 20 |
| حائضہ عورت ہاتھ دراز کر کے مسجد میں پڑی چیز اٹھا سکتی ہے | 21 |
| عورت اور مرد کا کفن | 21 |
| عورت شوہر کی میت کو غسل دے سکتی ہے | 21 |
| عورت کے سوگ کی مدت | 22 |
| کثرت سے قبروں کی زیارت کو جانے والی عورت پر لعنت | 22 |
| زیورات پر بھی زکاۃ ہے | 23 |
| عورت کا ذبیحہ | 23 |
| حاملہ اور مرضعہ کو فرض روزے میں رخصت | 24 |
| کیا حائضہ مناسک حج ادا کرے گی | 25 |
| عورتوں کا جہاد حج ہے | 25 |
| نیک بیوی کا حاصل ہونا | 26 |
| شوہر اپنی بیوی سے بغض نہ رکھے | 26 |
| عورت گھر کی نگران ہے | 27 |
| جنتی عورت کی نشانیاں | 27 |
| جس عورت سے اس کا خاوند راضی ہو وہ جنت میں جائے گی | 28 |
| اولاد سے نرمی کرنے والی عورت | 29 |
| بدزبان عورت پسندیدہ نہیں | 29 |
| اگر شوہر باکفایت نفقہ نہ دے تو | 30 |
| عورت کو خاوند کے مال سے صدقہ کرنے کا ثواب | 30 |
| بلاوجہ خاوند سے طلاق مانگنے والی | 31 |
| نافرمان عورتوں پر اللہ تعالیٰ کی لعنت | 31 |
| پردے کی حد درجہ تاکید | 32 |
| غیر محرم عورت سے تنہائی اختیار کرنا حرام ہے | 32 |
| عورتوں کی خوشبو کیسی ہو؟ | 33 |
| باریک ، تنگ یا نیم عریاں لباس پہننے والی عورتیں جہنمی ہیں | 33 |
| مردوں سے مشابہت کرنے والی عورت پر لعنت | 34 |
| بیٹیوں سے نفرت مت کریں | 34 |
| فہرست آیات قرآنیہ | 36 |
| فہرست احادیث نبویہ | 37 |
| مراجع و مصادر | 39 |