عقیدہ سلف پر اعتراضات کا علمی جائزہ جلد سوم

عقیدہ سلف پر اعتراضات کا علمی جائزہ جلد سوم

مصنف : واصل واسطی

صفحات: 714

اسلام  کی  فلک  بوس  عمارت  عقیدہ  کی  اسا س پر قائم ہے  ۔ اگر  اس بنیاد میں  ضعف یا  کجی  پیدا ہو جائے تو دین کی عظیم عمارت  کا وجود  خطرے میں پڑ جاتا  ہے۔ عقائد کی تصحیح اخروی فوز و فلاح کے لیے اولین شرط ہے۔ یہی وجہ ہے کہ اللہ کی طرف سے بھیجی جانے والی برگزیدہ شخصیات سب سے پہلے توحید کا علم بلند کرتے ہوئے نظر آتی ہیں۔  اور  نبی کریم ﷺ نے  بھی مکہ معظمہ میں  تیرا سال کا طویل عرصہ  صرف اصلاح ِعقائدکی جد وجہد میں صرف کیا عقیدہ توحید کی تعلیم وتفہیم کے لیے   جہاں نبی  کریم ﷺ او رآپ  کے صحابہ کرا م﷢ نے بے شمار قربانیاں دیں اور تکالیف کو برداشت کیا  وہاں علماء اسلام نےبھی دن رات اپنی  تحریروں اور تقریروں میں اس کی اہمیت کو  خوب واضح کیا ۔ عقائد کے باب میں اب تک بہت سی کتب ہر زبان میں شائع ہو چکی ہیں اردو زبان میں بھی اس موضوع پر قابل قدر تصانیف اور تراجم سامنے آئے ہیں۔ زیر نظر کتاب  ’’عقیدۂ سلف پر اعتراضات کا علمی جائزہ ‘‘ مولانا واصل واسطی﷾ کی  تصنیف ہے ۔ مولانا موصوف نے  یہ کتاب در اصل  جامعہ مدنیہ لاہور کے مفتی  ڈاکٹر عبد الواحد صاحب کی کتاب ’’ سلفی عقائد اور آیات متشابہات‘‘ کے جواب میں تحریر کی ہے  فاضل مصنف نے  اس کتاب میں علمی اور مدلل انداز میں ڈاکٹر مفتی عبد الواحد صاحب کے سلف صالحین کے عقائد پر کیے  گئے  اعتراضات کا علمی وتحقیقی جائزہ پیش کیا ہے۔ مولانا موصوف نے اپنے موضوع مطلوب کا حق اداکیا ہے ۔دلائل کی معقولیت اور طرز استدلال  موصوف کی وسعت مطالعہ ، قوت استدلال اور ژرف نگاہی  کابین ثبوت ہے ۔صاحب کتاب کے خیال کے  مطابق  یہ کتاب  چار مکمل ہوگی ۔تین جلدیں پرنٹ ہوچکی ہیں دوجلدیں کتاب وسنت سائٹ پر بھی موجود ہیں   اور اب تیسری جلد بھی اپلوڈ کی جارہی ہے  ۔ اللہ تعالیٰ مصنف کی  تحقیقی وتدریسی اور دعوتی خدمات کو قبول فرمائے 

ڈاؤن لوڈ 1
ڈاؤن لوڈ 2