شارح الوقف فی حل جامع الوقف بالسؤال والجواب

مصنف : قاری حبیب الرحمن

صفحات: 50

وقف کا لغوی معنی ٹھہرنا اور رُکنا ہے۔ جبکہ اہل فن قراء کرام کی اصطلاح میں وقف کے معنی ہیں کہ”کلمہ کے آخر پر اتنی دیر آواز کو منقطع کرنا جس میں بطور عادت سانس لیا جاسکے، اور قراء ت جاری رکھنے کا ارادہ بھی ہو، عام ہے کہ وقف کرنے کے بعد مابعد سے ابتداء کریں یا ماقبل سےاعادہ” (النشر:۱؍۲۴۰) معرفت وقف وابتداء کی اہمیت اور اس علم کی ضرورت کااحساس کرنے کے لئے اتنا ہی کافی ہے کہ جس طرح دلائل شرعیہ یعنی قرآن وحدیث اور اجماع اُمت سےقرآن مجید کا تجوید کے ساتھ پڑھنا واجب اور ضروری ہے، اسی طرح معرفت الوقف، یعنی قرآنی وقوف کو پہچاننا اور دورانِ تلاوت حسنِ وقف وابتداء کی رعایت رکھنا اور اس کا اہتمام کرنا بھی ضروری ہے اوراس میں کسی کااختلاف نہیں ۔اوروجہ اس کی یہ ہے کہ جس طرح تجوید کے ذریعہ حروف قرآن کی تصحیح ہوتی ہے اسی طرح معرفت الوقوف کے ذریعے معانی قرآن کی تفہیم ہوتی ہے۔ اللہ تعالیٰ نے قرآن مجید کو ترتیل کے ساتھ پڑھنے کا حکم دیا ہے :’’اورقرآن مجید کوترتیل کے ساتھ پڑھو ۔‘‘(المزمل:4) سیدنا علی ؓسے ترتیل کا معنی پوچھا گیا توآپ نے فرمایا:’’الترتیل ہو تجوید الحروف ومعرفۃ الوقوف‘‘(الإتقان فی علوم القرآ ن:۱؍۸۵) اس تفسیر میں ترتیل کے دوجز بیان کیے گئے ہیں 1۔تجوید الحروف 2۔معرفۃ الوقوف ۔پس تجوید الحروف کی طرح معرفۃ الوقوف بھی ترتیل کا ایک جزء اور اس کا ایک حصہ ہے ۔ زیر تبصرہ کتاب” شارح الوقف فی حل جامع الوقف بالسؤال والجواب “محترم قاری حبیب الرحمن جامعہ صدیقیہ، لاہور کی کاوش ہے،جس میں انہوں علم وقف کی علمی وفنی مباحث کو ایک منفرد انداز اختیار کرتے ہوئے سوالا وجوابا جمع فرمادیا ہے۔آپ کی اس سے پہلے بھی ایک کتاب ” تکملۃ الوقوف فی حل معرفۃ الوقوف بالسؤال والجواب”سائٹ پر دی جا چکی ہے۔اللہ تعالی ان کی اس خدمت کو اپنی بارگاہ میں قبول فرمائے اور ان کے میزان حسنات میں اضافہ فرمائے۔آمین

عناوین		صفحہ نمبر
مقدمہ		3
پہلا سبق اصطلاحات وقف اور اس کی تقسیم		4
دوسرا سبق وقف بلحاظ اور اس کی تعریف		6
تیسرا سبق وقف بلحاظ اصل اور اس کی تعریف		7
چوتھا سبق وقف بلحاظ رسم اور بلحاظ وصل اور ان کی صورتیں		9
پانچواں سبق وقف کی تعریف اور اس کے احکام		11
چھٹا سبق محل وقف کے احکام		17
ساتواں سبق علامت وقف اور علامت وصل کے احکام		20
آٹھواں سبق سکتہ کی تعریف اور اس کے احکام		28
نواں سبق سکوت کی تعریف اور اس کے احکام		33
دسواں سبق قطع کی تعریف اور اس کے احکام		36

ڈاؤن لوڈ 1
ڈاؤن لوڈ 2
2.1 MB ڈاؤن لوڈ سائز