عشرہ ذی الحجہ عیدین اور قربانی کے احکام و مسائل
مصنف : محمد سعید طیب بھٹوی
صفحات: 42
اللہ تعالیٰ نے جن وانس کو اپنی عبادت کے لیے پیدا فرمایا ہے او رعبادات کی مختلف اقسام ہیں ۔مثلاً قولی،فعلی ، مالی اور مالی عبادت میں ایک عبادت قربانی بھی ہے۔قربانی وہ جانور ہے جو اللہ کی راہ میں قربان کیا جائے اور یہ وہ عمل ذبیحی ہے جس سے اللہ تعالیٰ کاقرب حاصل کیا جاتا ہے ۔تخلیق انسانیت کے آغازہی سے قربانی کا جذبہ کار فرما ہے ۔ قرآن مجید میں حضرت آدم کے دو بیٹوں کی قربانی کا واقعہ موجود ہے۔اور قربانی جد الانبیاء سیدنا حضرت ابراہیم کی عظیم ترین سنت ہے ۔یہ عمل اللہ تعالیٰ کواتنا پسند آیا کہ اس عمل کوقیامت تک کےلیے مسلمانوں کے لیے عظیم سنت قرار دیا گیا۔ قرآن مجید نے بھی حضر ت ابراہیم کی قربانی کے واقعہ کوتفصیل سے بیان کیا ہے ۔ پھر اہلِ اسلام کواس اہم عمل کی خاصی تاکید ہے اور نبی کریم ﷺ نے زندگی بھر قربانی کے اہم فریضہ کو ادا کیا اور قرآن احادیث میں اس کے واضح احکام ومسائل اور تعلیمات موجو د ہیں ۔عید الفطر کا بنیادی مقصد اور فلسفہ رمضان المبارک میں اللہ تعالیٰ رب العزت کے خصوصی احسانات ،انعامات او رنوازشات، کاشکرادا کرنا اور دربار الٰہی میں بصد عجز وانکسار اپنی کم ہستی ، کم مائیگی او رکوتاہ عملی کا اعتراف کر کے اس ذات عظیم وبرتر سے معافی اور عفو ودرگزر کی دہا والتجاء کرنا ہے۔ اور عیدالاضحیٰ امام الموحدین، جد الانبیاء سیدناابراہیم کی قربانی ، ایثار، اخلاص اور وفا کی یاد تازہ کر کے سنت ابراہیمی پر عمل کرتے ہوئے اللہ تعالیٰ کی رضا کےلیے جانورذبح کر کے اللہ ارحم الراحمین کی بارگاہ سے بے پناہ اجروثواب اور نیکیاں حاصل کرنے کا دن ہے ۔کتب احادیث وفقہ میں کتاب الاضاحی کے نام سے ائمہ محدثین فقہاء نے باقاعدہ ابواب بندی قائم کی ہے ۔ اور کئی اہل علم نے قربانی کےاحکام ومسائل اور فضائل کے سلسلے میں کتابیں تالیف کی ہیں۔ زیر تبصرہ رسالہ ’’عشرۂ ذی الحجہ عیدین اور قربانی کے احکام ومسائل ‘‘ محترم جناب محمدسعید طیب بھٹوی ﷾ کا مرتب شدہ ہے ۔ اس کتابچہ میں انہو ں نے عشرۂ ذی الحجہ کی اہمیت وفضیلت ، عیدین اور قربانی کے متعلق جملہ مسائل قرآنی نصوص اور احادیث صحیحہ کی روشنی میں بیان کیے ہیں ۔نیز ان عبادات اوراعمال کوادا کرنے کے مسنون طریقوں کی وضاحت کی ہے اور غیر مسنون اور غیر ضروری کاموں کی نشاندہی بھی کردی ہے۔ تاکہ قارئین ان مناسک اور عبادات کو سنت نبوی کے مطابق انجام دے سکیں جوکہ قبولیت اعمال کی بنیادی اور اولین شرط ہے
| عناوین | صفحہ نمبر |
| عرض ناشر | 3 |
| عشرۃ ذی الحجہ | |
| عشرہ ذی الحجہ میں کرنے والے کام | 6 |
| اصلاح عقیدہ | 7 |
| اقامت صلاۃ | 7 |
| انفاق فی سبیل اللہ | 9 |
| روزہ | 10 |
| تکبیر وتہلیل وتحمید | 11 |
| اعمال صالحہ | 12 |
| توبہ واستغفار | 14 |
| جہادفی سبیل اللہ | 14 |
| مسائل عیدین | |
| عید کےدن غسل کرناخوشبو لگانا اورمسواک کرنا | 16 |
| نمازعید سےقبل کھانا پینا | 16 |
| نماز عید باہر کھلے میدان میں اداکرنا | 17 |
| نماز عید کےلیے نہ اذان کہی جائے گی نہ اقامت | 17 |
| نماز عید سےپہلے یابعد نوافل | 17 |
| نماز عیدکاوقت | 18 |
| عیدگاہ میں سب مسلمان مردوں عورتوں کاحاضر ہونا | 18 |
| عیدگاہ جانےوالی عورتوں کےلیے ہدایات | 19 |
| نماز عید کےلیے آتے جاتے راستہ بدلنا اورتکبیرات کہنا | 19 |
| نماز عدی اورسترہ | 20 |
| عیدکی نماز کاطریقہ | 20 |
| تکبیرات زائدہ میں رفع الیدین | 20 |
| نماز عید میں قراءت بلند آواز سے | 212 |
| خطبہ عیداورمنبر | 21 |
| عیدکے دن کیےجانے والے کاموں کی ترتیب | 21 |
| عیدکاخطبہ | 22 |
| عید کی مبارک باد | 22 |
| مسائل قربانی | |
| قربانی کاحکم | 26 |
| قربانی کرنےوالے کےلیے مالوں اورناخنوں کاکاٹنا | 27 |
| لمحہ فکریہ | 27 |
| قربانی کےجانور کی عمر | 29 |
| قربانی کےلیے موٹا تازہ اورخوبصورت جانور | 30 |
| خصی جانوروں کی قربانی | 30 |
| قربانی سےمانع عیوب | 30 |
| قربانی کاوقت | 32 |
| قربانی کےدن اورسب سے زیادہ فضیلت والادن | 33 |
| سارے گھر والوں کی طرف سے قربانی | 33 |
| قربانی کرتے ہوئے اونٹ یاگائے میں شراکت | 34 |
| جانور کو بوقت ذبح قبلہ رخ کرنا | 34 |
| قربانی کی دعا | 35 |
| جانور ذبح کرنے کےآداب | 35 |
| قربانی میں وکالت | 35 |
| قربانی کےگوشت کی تقسیم | 37 |
| قربانی کاگوشت ذخیرہ کرنا | 37 |
| قربانی کی کھال بیچنا | 38 |
| قربانی کاگوشت کھال یاکوئی بھی چیز قصاب کی مزدوری میں دینا | 38 |
| قربانی کی کھالوں کامصرف | 39 |